強積金移動平均策略
強積金經已推行了二十年, 好多香港人已經習慣被迫投資, 但二十年過去, 大部份香港人仍然不善管理自己的強積金.
筆者做了 MPF 中介人一段時間, 遇到好多客戶的問題, 大部份都圍繞住揀咩基金好？ 揀邊個計劃好？ 而家係咪高位？ 係咪應該轉去保守基金? 仲有幾年退休應該點做?
之後在網上搜集了一些資訊, 再自己整理一下, 然後每個月分享比我嘅客戶, 基本上都可以解答到以上問題, 亦幫助到更多人更主動去管理自己的強積金.
喺度分享其中一個方法比大家, 睇下你哋又啱唔啱用.
呢個方法嘅好處係能夠有效減低基金價格下跌帶來的風險, 特別是大跌市的時候, 以及避免一些主觀及人為因素, 簡單易明, 每個人都可以輕鬆管理好自己的強積金.
但唔好嘅地方係唔能夠為你賺到盡, 上落市會有反效果, 以及唔適合低風險低回報嘅基金.
強積金移動平均策略
簡單嚟講, 當強積金基金價格高於其移動平均價便買入或持有, 低於其移動平均價便賣出. 在每個月的月初, 把強積金基金轉入或保留在高於其移動平均價的基金. 如果強積金基金價格低於其移動平均價, 便轉移到保守基金或一些低風險基金.
實際在強積金上的操作方法
記錄過去一段時間的基金價格, 例如過去4-6個月每個月第一或最後一個交易日的基金價格.
以下會用萬全強積金-美國股票基金, 4個月時間及記錄每個月第一個交易日的基金價格做例子.
萬全強積金-美國股票基金 :
2020年11月02日 - 30.9851
2020年10月05日 - 32.1760
2020年09月01日 - 33.0409
2020年08月03日 - 30.7060
將以上4個月的價格相加, 然後除4, 得出 31.7270. 31.7270 便是萬全強積金-美國股票基金該月的移動平均價。由於2020年11月02日的價格為 30.9851, 低於其移動平均價, 所以2020年11月便把萬全強積金-美國股票基金轉走, 直至2020年12月初再計算. 至於轉走係咪一定要轉去保守基金呢? 其實又唔一定, 要睇你的投資組合有無其他高於該月移動平均價的基金選擇. 以萬全強積金為例, 2020年11月大中華股票基金係高於該月移動平均價, 可以把美國股票基金轉移到大中華股票基金, 咁樣可以降低美國股票基金下跌的風險, 又可以增加大中華股票基金上升帶來的回報. (見圖)
另外, 如果2020年3月份的大跌真係大跌市, 利用呢個方法會有效減低跌市中的損失. 但果次係V型反彈, 會真係賺少咗. 所以簡單嚟講, 如果你好有眼光預測大市, 呢個方法唔適合你. 如果你唔介意賺少啲, 又想有效控制風險, 呢個都係一個唔錯嘅方法. (見圖)
Pros and Cons
* 移動平均策略能夠有效減低基金價格下跌帶來的風險, 特別是大跌市的時候。
* 移動平均策略有效提升回報, 降低波幅及控制風險。
* 移動平均策略屬於機械式操作, 按照計算出的數據作出行動, 避免一些主觀及人為因素。只要堅持, 每 個人都可以輕鬆管理好自己的強積金
* 現時強積金報價及執行基金轉移有約兩三天的滯後, 在這段期間的基金價格變動有可能會影響轉移判斷, 但根據過往的記錄, 大多數情況影響輕微。
* 由於移動平均策略需要每月去檢視, 及作出適當的基金轉換, 未必人人適合.
大家可以到以下連結了解更多有關強積金移動平均策略及各強積金計劃的數據.
強積金的移動平均策略#強積金移動平均策略 #友邦強積金優選計劃 #安聯強積金 #AMTD強積金計劃 #交通銀行愉盈退休強積金計劃 #BCT(強積金)行業計劃 #BCT積金之選集成信託計劃 #東亞強積金行業計劃 #東亞強積金集成信託計劃 #東亞強積金價值計劃 #中銀保誠簡易強積金計劃 #中銀保誠我的強積金計劃 #中國人壽強積金集成信託計劃 #富達退休集成信託 #海通MPF退休金 #恒生強積金智選計劃 #滙豐強積金智選計劃 #景順強積金策略計劃 #宏利環球精選強積金計劃 #萬全強制性公積金計劃 #信安強積金計劃800系列 #信安強積金易富之選 #信安強積金明智之選 #永明強積金基本計劃 #永明強積金綜合計劃 #永明強積金集成信託計劃 #永明彩虹強積金計劃
留言
張貼留言